Beskerm jou aartappeloeste met Nutrico se reeks volhoubare swamdoders

Estimated reading time: 6 minutes

Aartappels word regdeur die jaar onder verskillende en wisselende klimaatstoestande geplant. Hierdie unieke toestande is ’n groot probleem vir aartappelprodusente as gevolg van aartappels se vatbaarheid vir siektes en plae wat opbrengste en moergehalte ernstig kan beïnvloed.

Van die mees kommerwekkende klimaatstoestande is vroeë- en laatroes, wat onderskeidelik veroorsaak word deur die swamme Alternaria solani en Phytophthora infestans. Deur die implementering van geïntegreerde pesbestuur- of IPM-strategieë kan boere die impak van swamsiektes verminder terwyl hulle ook hul afhanklikheid van chemiese intervensies verminder. Sodoende word ’n meer volhoubare en omgewingsvriendelike benadering tot aartappelproduksie bevorder.

Gee jou aartappels die beste moontlike begin en bereik hoë toekomstige opbrengste met Nutrico se omvattende reeks volhoubare swamdoders wat ten volle integreerbaar is met IPM en volhoubare landboustrategieë. Die unieke reeks bestaan uit vier produkte met aktiewe bestanddele van biologiese oorsprong, plantekstrakte en volhoubare chemiese elemente wat siektes doeltreffend beveg en aanbeveel word as ’n ongeëwenaarde, proaktiewe middel teen siektes.

Aangesien plante met sterk immuunstelsels minder vatbaar is vir siektes, is deurlopende optimale plantvoedingstatus noodsaaklik, terwyl blaarvoedings sowel as biostimulante, soos aminosure en seewierekstrakte, as aanvullende behandelings aanbeveel word. Verder speel grondgesondheid ’n groot rol in die onderdrukking van plantsiektes en die ontwikkeling van biologiese organismes bekend vir hul vermoë om grondgesondheid te verbeter.

ROOTGUARD^TM

ROOTGUARD^TM is ’n biologiese swaminokulant vir die beheer en onderdrukking van swamwortelsiektes sowel as verbeterde plantgroei. Hierdie inokulant is kundig geformuleer om saam met goedgekeurde chemiese behandelings gebruik te word as deel van ’n IPM-strategie. Die ruggraat van die ROOTGUARD^TM-reeks is die spore van ’n gespesialiseerde spesie van die swam Trichoderma harzianum.

Trichoderma groei op die plantwortels en in die risosfeer, wat plantgroei verbeter en ’n fisieke versperring vorm wat die groei van swamme verhoed, wat andersins plantsiektes sou veroorsaak. Trichoderma toon antagonistiese gedrag teenoor nekrotrofiese swamme soos swartskurf deur hul groei deur direkte interaksies (byvoorbeeld hiperparasitisme, mededinging om voedingstowwe en ruimte, en antibakteries) te inhibeer, of indirek deur plantgroei en groeikragtigheid te verbeter en stresverdraagsaamheid, die aktiewe opname van voedingstowwe, en bioremediëring van besmette risosfeer te verbeter.

Trichoderma verskaf verskeie voedsame sekondêre metaboliete aan plante, sowel as ensieme en proteïene wat belangrik is vir plantegroei.

ROOTGUARD^TM kan direk op die moere toegedien word voordat die ploegvoor gedurende of net ná plant toegemaak word om:

• Die wortels teen skadelike swampatogene te beskerm.
• Sterker, gesonder wortels te bevorder.
• Voedingstofopname te verbeter.

ROOTGUARD^TM word ook aanbeveel as ’n voorkomende behandeling aangesien die middel, wat ook geen maksimum residuvereistes (MRL) het nie, geregistreer is vir gebruik teen Rhizoctonia in aartappels.

Phyt-Off Standard 415 SL

Phyt-Off Standard 415 SL is ’n vloeibare kaliumfosfiet, sistemiese swamdoderkompleks vir die direkte beheer van Oomycetes-infeksies soos laatroes op aartappels. Die aktiewe inhoud van 415 g/ℓ fosforigsuur-ekwivalent is afgelei van monokaliumfosfiet (KH₂PO₃) en dikaliumfosfiet (K₂HPO₃).

Die sinergistiese uitwerkings van hierdie fosfietkompleks bied ’n multiwerkingswyse vir optimale doeltreffendheid en pH-stabilisering.

Die gebruik van Phyt-Off Standard 415 SL kan tot die verlaagde voorkoms van swamdoderweerstand in geïntegreerde beheerstrategieë lei. Die sistemiese beweging verhoog die plant se vermoë om toekomstige infeksies te weerstaan. Vir optimale resultate word aanbeveel dat toedienings 21 dae ná opkoms ‘n aanvang neem en een maand voor oes gestaak word.

THHH-UN-DERRR

THHH-UN-DERRR is ’n nuwe en unieke samestelling van plantafkomstige antioksidante, soos askorbiensuur (vitamien C) en salisielsuur, sowel as ander unieke bestanddele.

Hierdie oplosbare konsentraat is geregistreer vir gebruik as ’n voorkomende beheermiddel vir aartappelsiektes wat deur die patogeen Phytophthora infestans veroorsaak word. Die formulasie het ’n gunstige ekologiese profiel en geen maksimum residuvlak of vooroesinterval is van toepassing nie. Dit bied dus ’n volhoubare en omgewingsvriendelike benadering tot siektebestuur tydens aartappelproduksie.

THHH-UN-DERRR is ’n ideale middel vir weerstandsbestuur, danksy sy unieke en veelvuldige werkingsmeganismes. Siekteweerstand in plante is afhanklik van bestaande fisieke of chemiese versperrings, soos dik selwande. THHH-UN-DERRR se swambeheermeganisme van askorbiensuur en salisielsuur sluit individuele en sinergistiese effekte in wat die plant se verdedigingsreaksies teen patogene verbeter.

Studies het getoon dat die gelyktydige toediening van askorbiensuur en salisielsuur ’n afname in siekteskade kan veroorsaak in vergelyking met die individuele gebruik van hierdie aktiewe bestanddele. Dié sinergistiese effek is waarskynlik te wyte aan die komplementêre aksies van hierdie verbindings, wat die plant se verdediging aktiveer sowel as sy weerstand teen patogene verbeter. Deur oksidatiewe stres te verminder, help askorbiensuur om plantselle teen skade te beskerm wat deur swaminfeksies veroorsaak word.

Salisielsuur kan die groei en ontwikkeling van swampatogene direk inhibeer deur hul sellulêre prosesse te ontwrig. Dit belemmer swam-ensieme en weë wat noodsaaklik is vir infeksie, waardeur die vestiging van swamsiektes in aartappelplante beperk word. Salisielsuur is ’n belangrike seinmolekule in plantverdedigingsreaksies en is bekend daarvoor dat dit sistemiese verworwe weerstand (SAR) veroorsaak – dit is ’n sistemiese immuniteit wat die hele plant voorberei vir weerstand teen patogeenaanvalle.

CuProtect 160SC

CuProtect 160SC is ’n kopersuspensiekonsentraat swamdoder met 160 g/ℓ koperhidroksied as aktiewe bestanddeel. Hierdie beskermende swamdoder, wat eweredig op die plantoppervlak toegedien moet word, se werking is nie-sistemies en maak gebruik van gespesialiseerde formulering sowel as maaltegnologie vir verbeterde doeltreffendheid en versoenbaarheid van CuProtect 160SC.

Navorsing het getoon dat ’n koperswamdoder aansienlik doeltreffender is indien die deeltjiegrootte verminder word. Hoe kleiner die deeltjiegrootte, hoe groter is die aantal deeltjies per gram, en hoe beter die swamdodende aktiwiteit. Bedekking word ook verbeter met kleiner deeltjies en daar is aansienlik meer oppervlakte per gram produk waaruit koperione in die teenwoordigheid van vog vrygestel kan word. Wanneer swamspore met oppervlakwater wat koperione bevat in aanraking kom, beweeg die ione deur die patogene se selmembrane en ontwrig sellulêre ensiemaktiwiteit.

CuProtect 160SC bied optimale werking indien dit toegedien word voordat die siekte wat infeksie voorkom, ontwikkel, mits dit gereeld toegedien word in hoë reënvalgebiede en waar oorhoofse besproeiing gebruik word.

– dr Anneli Heyns, projek- en kommunikasiebestuurder, Nutrico SA

Vir meer inligting oor Nutrico se omvattende reeks swamdoders, besoek www.nutrico.co.za of skakel 011 392 4072 of 021 807 5922.